søndag 4. desember 2011

Mykje jul og lite grann nisse!

Ja, det ynskjer eg meg til jul: Mykje jul og lite grann nisse. Mykje sol og mykje varme også sjølvsagt, men det ynskjer eg meg heile året.

Det er andre sundag i advent. Og her i huset er det julekortskrivestartdagen. To lys er tende, julekrybba er nesten tom, roser flyt i vatn i ei skål, nær meg så auga når dei, og julekort og ein god penn ligg og ventar. Klar ferdig gå! ..  Det første kortet er skrive.

Julekorta til slekt og nære vener har ofte vore oppdaterte familierapportar. I år blir det også flyttemelding. Men utover det, vel eg julekort utan nissar. Derfor passa det meg ypperleg å finna  Nissefri julepoesi laga av Kristin Straume Audestad  på bloggen til Røsslyng. Ja, for det finnest så altfor mykje julefri nissepoesi. Korta er fine, og konvoluttane gode å ta i. Nesten så det blir endå kjekkare å skriva kort.

Stova har fått adventspreg. Det skal ho ha fram til veslejulaftan. Då slepp jula inn. Men ikkje nissane. Dei er hjarteleg velkomne på kakeboksane, i gongen, i vindfanget og på kjøkenet. Dei får ta seg av maten og kleda. Jula i stova vil me ha for oss sjølv. Er det småungar i huset, (noko som går i periodar), får nissen stikka innom ein tur på julaftan, for all del. Men då kjem han med eit smil og ei god og varm røyst, og ynskjer god jul i stova. Det må han få lov til.

Rundt jueltreet kan me fryda oss over både julebodskapen og juletradisjonar, så me kan vaska golv, stryka klede, klappa i hender og vera så glad kvar julekveld for då vart Jesus fødd. Kan ikkje små ungar læra anna enn "No er det jul igjen", sa du? Nei, det sa dei til oss også. Dermed lærte ein av gutane alle vers av "Det lyser i stille grender" då han var knøttliten. Og han kan den framleis.

Englane høyrer til både advent og jul. Ja, dei er forresten velkomne heile året.

No er eg blitt bestemor, og dei strenge nissereglane har klart seg gjennom oppveksten til våre eigne barn. Er det for tøft å ta vare på denne skikken saman med neste generasjon?

PS: Om eg er streng mot meg sjølv, er eg ikkje mindre streng mot andre: firmajulekorta er nok godt meint, men har dei noko meining?

2 kommentarer:

  1. Nissefritt, nesten her også, det sitter en liten nisse gangvinduet, han sitter der året rundt. han kommer til å sitte der i sommer også.
    Firmajulekort er noe herk, de vendte meg av med å skrive julekort. i år skal vi heller ikke trekke skogen i hus.
    Lys, blomster og tekstiler skal få gi julestemning og en liten engel som holder et hvitt lys, men ikke på noe rødt brett. Kanskje.
    Julen kommer når den kommer og en bør komme innenfra, for min del.

    Ha en fin advent :-)

    SvarSlett
  2. Er foreløpig bare adventspynt her i huset også! Stjerne i et par vindu, adventstaken med to tente lys nå i kveld, lilla duker... Nissene er nok velkomne her, men er litt mer glad i engler her også! Med 3 årig barnebarn boende her, så blir det etterhvert tatt fram ting som tåler små hender... Det viktigste her er også julestemninga, delvis budskapet(om kanskje på en litt annen måte enn for deg)- her er kosen og familien og hyggen det viktigste, og ikke f.eks shopping av alt vi ikke trenger!

    SvarSlett