Takk til vinden

Hels til vinden frå meg

du som spring på fjellet i dag

og kjenner han så nær at tårene sprett.

Hels vinden og sei at eg hugsar han

då han bles vekk uro og sakn

greidde opp i politiske flokar og gordiske knutar

mot kvar fjelltopp.

Helsa vinden

motvind

medvind

krossvind

og virvelvind.

Helsa og sei:

Takk for fylgjet!

Du gjorde livet mitt mindre flyktig.

***

Og når me først snakkar om vinden, 

er det på sin plass å dela tankane  frå Anna Skeide:

Og eg spurte vinden:

Sei meg du flygande flyktning:

Kor lang er ennå vegen frå aust og til vest?

Og vinden han svara:

Så lang som

frå menneske til menneske.