Synleggjering utan stakkarsleggjering under OL - opninga

Utruleg -
London - OL maktar det vanskelege:
Å synleggjera personar som ikkje er A4,
utan at dei blir til stakkarar.

Ei døv dame leiar eit heidundrande rytmesirkus.
Ei jente utan hender som dei fleste andre, syng solo.
Eit kor med døve og høyrande syng nasjonalsongen,
- ikkje strigla, men klangfullt og mektig.
Sjukehus for born får hovudrolle i ei scene.
Fakkelberar med rullator.
Jenta på hjul er med på dansegolvet.

I tillegg:
Tenkepause,
frå ståheien
for å minnast dei som ikkje er med
og dermed gi støtte til dei sørgande.

Og alt dette ikkje som unnatak,
men som ein naturleg del av heilskapen.

Alt dette er eigentleg sjølvsagt,
men i samanheng med OL
der dei sterkaste, friskaste, raskaste vinn,
er det til å ropa hurra for.

Gratulerer England!
Den første gullmedalje går til arrangøren!