onsdag 27. juli 2011

I skulestova og ved stovebordet

I skulestova
kunne eg setja raude strekar:
Feil!
Krusedull i margen:
Forvirrande tekst
Bølgjer under:
Uklar formulering
Spørjeteikn:
Meiner du verkeleg dette?
Piler:
Er dette argumentet i samsvar med det forrige?
Ropeteikn:
Kan du verkeleg forsvara dette om liv går tapt?
Parentes rundt ord:
Dette provoserer vel berre?
Og til slutt spørsmålet:
Kor er kjeldene dine?

Heime i stova
kan eg gjera nett det same
når familien er samla.

Men når stova er full av gjester
og eg har lyst å setja raude stekar,
kusedullar,
ropeteikn,
spørjeteikn,
parentesar,
og ikkje minst:
når eg ynskjer å spørja:
Kor er kjeldene dine?
- Då kan eg ikkje bruka retteblyanten.
Då må eg finna anna kommunikasjonveg.

Av og til kasta elevane heile greia i søppelkorga
- utan å bry seg om den raude skrifta..
Haldningar, menneskesyn, ord og handling
- Eg ville så gjerne at dei ikkje kastar orda i søppelkorga
når eg prøver å demma opp mot skjult menneskeforakt.


Andre innlegg relatert til terrorhandlingane:
Sit stille, stille
Kjærleik og samhald - lettare å seia og realisera i ei interaktiv tid?

2 kommentarer:

  1. Du skriver utrolig bra Marit! Veldig mange gode tekster!

    sv; Takker så mye for din deltagelse på min blogg. Setter stor pris på dine kommentarer! =)

    SvarSlett
  2. Velkomen innom bloggen; kjetilrj
    og takk for fin kommentar.

    Jeg dukker nok opp i kommentarfeltet ditt igjen.

    SvarSlett